طاجن جمبري بالسبيط

دة طاجن فواكه بحر إنما جميل جداً بس مشطشط شوية.

المقادير
تلاتة أرباع الكيلو جمبري مقشر
نصف كيلو سبيط (كليمارى) مقطع شرايح
ملعقتين زيت زيتون
5 أسنان توم مقطع
معلقتين توم مفري
قرنين فلفل أحمر حامي
قرنين فلفل أخضر رومي
حزمتين كسبرة خضراء
2 طماطم مقطعة
معلقتين صلصة
بشر ليمونة
ملح، فلفل
زيت زيتون

الطريقة
نحضر تلات أرباع كيلو جمبرى مقشر ونصف كيلو سبيط ( كليماري) مقطع شرائح ونحط ملعقتين زيت زيتون ومعهم رأس توم مقطع وفلفل أحمر حامي ونشوحهم في طاسة تيفال مع رشتين فلفل أسمر كويسين وملح.	.1
في طاسة تانية نضع ملعقتين زيت زيتون ونضع ملعقتين من الثوم المفري وفلفلتين رومى أخضر مقطعة مكعبات وبصلة مفرية والطماطم المقطعة مكعبات وملعقتين صلصة وبشر ليمونة كبيرة (ونراعى الترتيب السابق) ... ونقلب شوية وبعدين نحط حزمتين كسبرة خضراء مفرية في الآخر خالص.	.2
نجيب الطاجن ونحط نصف التخديعة السابقة وبعدين نصب الجمبرى بالسبيط ونكمل على الوش بباقى الخلطة وندخله الفرن فترة مش كبيرة بقدر ربع ساعة لحد ما يتشرب ...وبالهناء والشفاء،،،	.3

» جمبري على الطريقة الصينية مع رز بالخضار
» طاجن عكاوي بالبصل